Loyiha doirasida hal etilishi zarur bo‘lgan muammo: MTTlarida malakali kadrlarni tanlash jarayoniga obyektiv yondashuvni ta’minlash.

Loyihaning maqsadi: maktabgacha ta’lim tashkilotini yuqori malakali kadrlar bilan ta’minlash bo‘yicha MTT rahbarining strategik maqsadlarni aniqlash va uni amalga oshirish mexanizmlarini ishlab chiqish.

Tavsiya etilgan mavzu bo‘yicha loyiha ishini bajarish davomida quyidagi muammolar hal etiladi:

- ta’limni real hayotga yuqori darajada yaqinlashtirilgan vaziyatda amalga oshirish ta’minlaydi;

- nazariy ma’lumotlarni amaliy faoliyat bilan bog‘laydi;

- talablarni faol mustaqil bilish jarayoniga jalb etish imkonini beradi;

- kasbiy layoqatni shakllantirish va rivojlantirishni ta’minlaydi.

Talabalar o‘quv loyihasini quyidagi algoritm asosida bajaradilar:

- asosiy g‘oyani ilgari surish

- muammoni ko‘rsatish, maqsadni belgilash va uni hal etish vazifalarini ifodalash;

- natijaga erishishning qulay yo‘l va vositalarini asosli tanlash;

- hamkorlikda ishlashni rejalashtirish va loyihadagi majburiyatlarni taqsimlash;

- natijalarni rasmiylashtirish, ularning umumiy taqdimotini o‘tkazish;

- o‘zini-o‘zi baholash va refleksiyani amalga oshirish.

Loyihaviy ta’limning afzalligi shundaki,talabalar o‘quv loyihalarini guruhli yoki jamoaviy shaklda yaratadilar. Loyihani jamoaviy taqdimotida faoliyat va natija refleksiyasini amalga oshirishadi, ya’ni ish davomida va yakunida yuzaga kelgan yutuqlarini, yo‘l qo‘yilgan xato va kamchiliklarni tahlil qilishadi, o‘zlaridagi shaxsiy o‘zgarishlarini anglaganliklarini namoyon etadilar. Talabalarni MTTlarni maqsadli boshqarishga tayyorlashda mustaqil ta’lim mavzulari bo‘yicha talabalar tadqiqot, ijodiy va axborotli loyihalarni ishlab chiqishlari muhim ahamiyat kasb etadi.

Loyiha turlari

Loyihalarning mazmuni

Tadqiqot loyihalari:

ilmiy izlanish xarakteriga ega loyihalar bo‘lib, uning tarkibiy tuzilishi muammoning dolzarbligi, ishlanganlik darajasi, tadqiqot maqsadi, ilmiy farazi, vazifalari, muammoni tadqiq etishda qo‘llaniladigan metodlar, ko‘p bosqichli pedagogik tajriba va olingan natija va xulosalarga asoslangan holda ilgari suriladigan amaliy-metodik tavsiyalardan iborat bo‘ladi.

Ijodiy loyihalar

inividual yoki hamkorlik asosida ijodiy xarakterga ega yangi ta’lim mahsulotlari (ijodiy hisobot, ko‘rgazma, dizayn, videofilm, nashr ishlari – kitob, almanax, buklet, albom, bosma va elektron jurnal, kompyuter dasturlari kabilar)ni yaratishga yo‘naltirilgan loyihalar.

Axborotli loyihalar

o‘quv jarayonini tashkil etish ѐki boshqa ta’limiy xarakterga ega buyurtmalarni bajarish maqsadida nazariy axborotlarni yig‘ishga
yo‘naltirilgan loyihalar.